ചുമപ്പ് ചന്ദ്രന്‍
സങ്കടകരമായ ചാരനിറമുള്ള ഒരു ഗ്രഹം ഉണ്ടായിരുന്നു. സാങ്കേതിക വിദ്യ ഉണ്ടായിരുന്നിട്ടും ആരും അത് കണ്ടില്ല. പ്രദേശം വളരെ വൃത്തീഹീനവും അലങ്കോലവും ആയിരുന്നു.
ഗ്രഹത്തിലൂടെ നടന്നുകൊണ്ടിരുന്ന ഒരു പെണ്‍കുട്ടി ഒരു ഗുഹയ്ക്കുള്ളില്‍ ഒരു ചുവന്ന പുഷ്പം കണ്ടു. പൂവ് മരിക്കുകയായിരുന്നു, അതിനാല്‍ കുട്ടി വേരുകളോടെ അതിനെ പറിച്ചെടുത്തു. അവള്‍ അത് സൂക്ഷിക്കാന്‍ ഒരു സ്ഥലം തിരഞ്ഞു. അവള്‍ എല്ലായിടത്തും നോക്കി, പക്ഷേ ഓരോ സ്ഥലവും വൃത്തികെട്ടതായിരുന്നു. അവിടെ ഒന്നിനും വളരാന്‍ കഴിയില്ല.
പെണ്‍കുട്ടി ആകാശത്തേക്ക് നോക്കിയപ്പോള്‍ വെളുത്ത ചന്ദ്രനെ കണ്ടു. ചെടി അവിടെ ജീവിക്കുമെന്ന് കുട്ടി കരുതി. കുട്ടി ഒരു ബഹിരാകാശകനെപ്പോലെ വസ്ത്രം ധരിച്ച് ബഹിരാകാശപേടകത്തില്‍ കയറി. അവള്‍ ചുവന്ന പുഷ്പം പുറകില്‍ വെച്ചു. ചന്ദ്രനിലേക്ക് പറന്നു.
കുറച്ച് ദിവസങ്ങള്‍ക്ക് ശേഷം പൂവ് വളര്‍ന്നു , കാരണം അവള്‍ എല്ലാ ദിവസവും അതിനെ പരിപാലിക്കുമായിരുന്നു. കൂടാതെ അത് മലിനീകരണത്തില്‍ നിന്ന് അകന്നു നില്‍ക്കുകയും ചെയ്തു. ചെടി വളരെ നന്നായി വളര്‍ന്നു ,അത് വേഗത്തില്‍ വിത്തുകളും കൂടുതല്‍ പൂക്കളും ഉണ്ടാക്കി. താമസിയാതെ, ചന്ദ്രനിലുടനീളം പൂക്കളുണ്ടായി.
അവളുടെ പൂക്കള്‍ വിരിയുമ്പോള്‍ ചന്ദ്രന്‍ ചുവപ്പ് നിറമായി മാറാന്‍ തുടങ്ങി.
നിള നന്ദന്‍
ലോകകേരളസഭ സാഹിത്യമത്സരം
സബ് ജൂനിയര്‍ വിഭാഗം, ചെറുകഥ
മൂന്നാം സ്ഥാനം
