വൈറ്റമിൻ ഡി
(ഒന്നാം ഭാഗം)
ടീച്ചർ:
നമ്മുടെയെല്ലാം തൊലിക്കുമേലെ
സൂര്യപ്രകാശം ശരിക്കു വീണാൽ
രാസപ്രവർത്തനം സംഭവിച്ച്
വൈറ്റമിൻ ഡീയായ് നമുക്കു കിട്ടും.
ഈ വൈറ്റമിൻ ഡീ കുറഞ്ഞുപോയാൽ
എല്ലുകൾക്കെല്ലാം ബലം കുറയും
പക്ഷെയീ വൈറ്റമിൻ കൂടിയാലോ
മൂത്രത്തിൽ കല്ലു വരും! കുഴയും.
കുട്ടികൾ:
പക്ഷികൾക്കാണെങ്കിൽ തൂവലുണ്ട്
പൂച്ചകൾക്കാണെങ്കിൽ രോമമുണ്ട്
ഉള്ളിലായുള്ള തൊലിപ്പുറത്തെ
തൂവലും രോമവും മൂടുകില്ലേ?
പക്ഷിയും പൂച്ചയും വെയിലുകൊണ്ടാൽ
എങ്ങനെ കിട്ടുമീ വൈറ്റമിൻ ഡീ ?
ടീച്ചർ:
ഏറെമികച്ചൊരീ ചോദ്യം കേട്ട്
സന്തോഷം തോന്നുന്നു കുട്ടികളേ…
വായനശാലയിൽ‌പ്പോയി നിങ്ങൾ
പുസ്തകമെല്ലാം പരതിനോക്കൂ
ഇന്റർനെറ്റിൽ നിങ്ങൾ തപ്പി നോക്കൂ
മറ്റുള്ളവരോടുമന്വേഷിക്കൂ….
എന്നിട്ടുമുത്തരം കിട്ടിയില്ലേൽ
ഞാൻ തന്നെ ചൊല്ലാം അടുത്ത ക്ലാസ്സിൽ.
പ്രമോദ്. കെ.എം
