നല്ല നാളേയ്ക്ക് ഈ വെള്ളിയാഴ്ചകള്‍ (Friday for Future)

പ്രിയപ്പെട്ട കുഞ്ഞുങ്ങളെ ,

വൈവിധ്യങ്ങളാണ് ലോകത്തെ മനോഹരങ്ങളാക്കുന്നത്. പ്രത്യേകിച്ച് കാലവസ്ഥയിലുള്ള വൈവിധ്യം. ഒരേ സമയം ചിലയിടത്ത് അത്യുഷ്ണമെങ്കില്‍ മറ്റ് ചിലയിടത്ത് അതിശൈത്യം; വേറെ ഒരിടത്ത് കാലവര്‍ഷമെങ്കില്‍ മറ്റൊരിടത്ത് മിതോഷ്ണം. ഈ വൈവിധ്യങ്ങള്‍ക്കനുസരിച്ചാണ് സസ്യജന്തുജാലങ്ങളുടെ രൂപീകരണവും പരിണാമവും സംഭവിച്ചിരിക്കുന്നത്. കാലവസ്ഥാഭേദങ്ങള്‍ക്കനുസരിച്ച് പല ക്രമീകരണങ്ങളും നടത്തിയാണ് മനുഷ്യരും ജീവിക്കുന്നത്. ആയിരക്കണക്കിന് വര്‍ഷങ്ങള്‍കൊണ്ട് രൂപപ്പെട്ടുവന്ന പാരിസ്ഥിതിക സന്തുലിതാവസ്ഥയാണ് മനുഷ്യലോകത്തെ ഇത്രയധികം പരിഷ്കൃതവും വികസിതവുമായി മാറ്റിയത്. എന്നാല്‍ വികസനം എന്ന പേരില്‍ മനുഷ്യര്‍ ഈ സന്തുലിതാവസ്ഥയെ തകര്‍ത്തുകൊണ്ടിരിക്കുന്നു. ഇത് മറ്റ് ജീവജാലങ്ങളുടെ സമ്പൂര്‍ണ്ണ നാശത്തിന് കാരണമാകുന്നു. അതുപോലെ പ്രകൃതി സമ്പത്തിന്റെ ധൂര്‍ത്ത് മനുഷ്യജീവിതത്തിന് വിനാശകരവും ജീവിതം അസഹ്യവുമാക്കികൊണ്ടിരിക്കുകയുമാണ്.

ഈ സാഹചര്യത്തിലാണ് സ്വീഡനിലെ സ്‌കൂള്‍ വിദ്യാര്‍ത്ഥിയായ ഗ്രെറ്റ തന്‍ബര്‍ഗിന്റെ സ്വീഡിഷ് പാര്‍ലമെന്റിന് മുമ്പിലെ സമരം ലോക ശ്രദ്ധ പിടിച്ചുപറ്റിയത്. എല്ലാ വെള്ളിയാഴ്ച ദിവസവും സ്‌കൂൾ ബഹിഷ്‌കരിച്ച് അവള്‍ സമരം ചെയ്തു. 2018 ആഗസ്റ്റില്‍ ഗ്രെറ്റ ആരംഭിച്ച സമരം ഇപ്പോള്‍ നൂറു രാജ്യങ്ങളിലായി വ്യാപിച്ചിരിക്കുന്നു. വെള്ളിയാഴ്ചകളില്‍ സ്‌കൂള്‍ ബഹിഷ്‌കരിച്ചുകൊണ്ട് അവരുടെ ഭാവിയെ കൊള്ളയടിക്കുന്ന സ്വാര്‍ത്ഥരായ മുതിര്‍ന്നവര്‍ക്കെതിരെ കുട്ടികള്‍ സമരം ചെയ്തുകൊണ്ടിരിക്കുന്നു. നീതിയുക്തവും ഹരിതാഭവുമായ ഭൂമിക്കുവേണ്ടി കൗമാരക്കാര്‍ നടത്തുന്ന ആഗോള സമരമായി ഈ ‘വെള്ളിയാഴ്ച സമരം’ മാറിക്കഴിഞ്ഞു.

”നിങ്ങളുടെ ശുഭപ്രതീക്ഷകള്‍ എനിക്ക് വേണ്ട. പ്രതീക്ഷാ നിര്‍ഭരരായിരിക്കുന്ന നിങ്ങളേയും എനിക്ക് വേണ്ട. നിങ്ങള്‍ പരിഭ്രാന്തരാകണം. വീടിന് തീപിടിച്ചാലെന്ന പോലെ നിങ്ങള്‍ പരിഭ്രാന്തരാകണം.”

ഗ്രെറ്റ തന്‍ബര്‍ഗിന്റെ വാക്കുകളാണ് ഇത്.

പ്രിയപ്പെട്ടവരെ, പരിമിതമായ വിഭവങ്ങളെ ഇനി ഭൂമിയിലുള്ളു. ഭാവിയ്ക്കായി നല്ല കരുതലോടെ ജീവിച്ചില്ലെങ്കില്‍, കുഞ്ഞുങ്ങളെ അതിനായി ശീലിപ്പിച്ചില്ലെങ്കില്‍ ഈ മനോഹരമായ ഭൂമി അനതിവിദൂര ഭാവിയില്‍ ശ്മശാനമായി മാറും.

                                       സസ്നേഹം….

      

 

ചീഫ് എഡിറ്റർ

പ്രൊഫ. സുജ സൂസൻ ജോർജ്ജ്

                                                                                             

                                                                                                         

12 Comments

Ramachandran Mancharambath November 17, 2017 at 4:26 pm

പൂക്കാലം……വളരെ മനോഹരമായിരിക്കുന്നു. കുട്ടികള്‍ ഇഷ്ടപെടുന്ന ചേരുവകള്‍ ഉണ്ട്. എഡിറ്റോറിയല്‍ ടീമിന് അഭിമാനിക്കാം…..ഹൃദയം നിറഞ്ഞ അഭിനന്ദനങ്ങള്‍..!!!
വെളിച്ചത്തിലെ “വായന” നന്നായിരിക്കുന്നു.
“എന്‍റെ പുസ്തകം” അതിന്‍റെ അവതരണ രീതി നാടക രൂപത്തിലോ കുട്ടികള്‍ തമ്മിലുള്ള സംഭാഷ രൂപത്തിലോ ആയിരുന്നുവെങ്കില്‍ കൂറെ കൂടി നന്നാകുമായിരുന്നു.
പദപരിചയവും, മുമ്പേ നടന്നവരും, സിനിമയും എല്ലാമെല്ലാം ഗംഭീരമായിരിക്കുന്നു. കുട്ടികള്‍ക്ക് എല്ലാം ഇഷ്ടപെടും പഠനകേന്ദ്രങ്ങള്‍ സജീവമാകും.
ചീഫ് എഡിറ്റര്‍, എഡിറ്റര്‍, മുഴുവന്‍ എഡിറ്റോറിയല്‍ ടീമിനും സ്നേഹാശoസകള്‍.
രാമചന്ദ്രന്‍ മഞ്ചറബത്ത്, മുംബൈ.

    Ramachandran Mancharambath November 18, 2017 at 1:31 pm

    പൂക്കാലം……വളരെ മനോഹരമായിരിക്കുന്നു. കുട്ടികള്‍ ഇഷ്ടപെടുന്ന ചേരുവകള്‍ ഉണ്ട്. എഡിറ്റോറിയല്‍ ടീമിന് അഭിമാനിക്കാം…..ഹൃദയം നിറഞ്ഞ അഭിനന്ദനങ്ങള്‍..!!!
    വെളിച്ചത്തിലെ “വായന” നന്നായിരിക്കുന്നു.
    “എന്‍റെ പുസ്തകം” അതിന്‍റെ അവതരണ രീതി നാടക രൂപത്തിലോ കുട്ടികള്‍ തമ്മിലുള്ള സംഭാഷ രൂപത്തിലോ ആയിരുന്നുവെങ്കില്‍ കൂറെ കൂടി നന്നാകുമായിരുന്നു.
    പദപരിചയവും, മുമ്പേ നടന്നവരും, സിനിമയും എല്ലാമെല്ലാം ഗംഭീരമായിരിക്കുന്നു. കുട്ടികള്‍ക്ക് എല്ലാം ഇഷ്ടപെടും പഠനകേന്ദ്രങ്ങള്‍ സജീവമാകും.
    ചീഫ് എഡിറ്റര്‍, എഡിറ്റര്‍, മുഴുവന്‍ എഡിറ്റോറിയല്‍ ടീമിനും സ്നേഹാശoസകള്‍.
    രാമചന്ദ്രന്‍ മഞ്ചറബത്ത്, മുംബൈ.

P A Suresh Kumar Chennai November 17, 2017 at 4:32 pm

excellent

Ranjith November 18, 2017 at 5:38 pm

ആശംസകൾ

Mohandas Krishnan November 21, 2017 at 11:38 am

പൂക്കാലത്തിലൂടെ ഓടി നടന്നു. നമ്മുടെ ക്ലാസുകളെ സമ്പന്നമാക്കുന്ന ഒരു പാട് കാര്യങൾ മനോഹരമായി ആവിഷ്കരിക്കപ്പെട്ട് മാസം തോറും ഇനി പൂക്കാലമായി വരും എന്ന വിശ്വാസം തികച്ചും സന്തോഷിപ്പിക്കുന്നു . , ‘ഈ മാസം’ വളരെ നല്ലൊരു ആശയമാണ്. ഒരോ മാസവുമായി ബന്ധപ്പെട്ട നാട്ടറിവുകൾ ആഘോഷങ്ങൾ, പൂക്കൾ പഴങ്ങൾ, വിളവുകൾ ഋതുക്കൾ ,ഇതൊക്കെയുമായി ബന്ധപ്പെട്ട രസകരമയമായ കാര്യങ്ങൾ , എന്നൊക്കെ രസകരമായി പ്രതിപാദിച്ചാൽ സംവദിച്ചാൽ തന്നെ നമ്മുടെ ഭാഷാ സാംസ്കാരികമായ പഠനം പഠിക്കുകയാണെന്ന അവബോധമില്ലാതെ തന്നെ നടക്കും. മിഷൻ പ്രവർത്തനങ്ങളിൽ ഏർപ്പെട്ടിരിക്കുന്ന പ്രവാസി മലയാളികളേയും പഠിതാക്കളേയും ആസ്വാദനത്തിന്റെ ഒരു പുതിയ ഉയർന്ന തലത്തിലേക്ക് ഉയർത്തും. ‘ എന്റെ മലയാള’ ത്തിലൂടെ ഇന്നു ജീവിച്ചിരിക്കുന്ന ഭാഷാപണ്ഡിതരേ പുതു തലമുറക്ക് പരിചയപെടുത്തി കൊണ്ടിരിക്കാം. എന്നത്തേക്കമായി അവരുടെ വാണി തലമുറക്ക്കായി കാത്തു സൂഷിക്കാം.’ മുമ്പേ നടന്നവർ’ കൂടിയാകുമ്പോൾ പിന്നെ എല്ലാം തികഞ്ഞു. ഭാഷയുടെ മാസ്മരിക ലോകത്തിലേക്ക് പ്രവാസികൾക്കുള്ള ഉണർത്തു പാട്ടാകും അത്. 

 ‘ പദപരിചയം’  വളരെ സാധ്യതകളുള്ള ഒരു അദ്ധ്യായമായിരിക്കും. അൽപ്പം കമ്പൂട്ടർ ഗ്രാഫിക്സും അനിമേഷനും കൂടി ആകുമ്പോൾ കുട്ടികൾക്ക് മാസം തോറും പങ്കുവെക്കാവുന്ന ഒരു നല്ല മറക്കാത്ത പഠനോപാദിയാകുമത്. ‘വെളിച്ചം’ നന്നായി ശോഭിക്കാൻ വഴിയുണ്ട്’. നല്ല പുസ്തകങ്ങൾ വായിച്ചു കേൾക്കുന്നതും പരിചയപെടുത്തി കിട്ടുന്നതും ഭാഗ്യം തന്നെ . പ്രവാസികളുടെ സർഗാത്മഗതയിലേക്ക് വെളിച്ചം വീശാനും ഈ പംക്തി ഉപയോഗപെടണം.  ‘സിനിമ’ പോലെ തന്നെ മലയാള ഭാഷക്ക് പുതുന്മേഷം നൽകിയിരുന്ന മലയാളിയുടെ വ്യക്തി വൈഭവം എടുത്തു കാണിക്കുന്ന എല്ലാ കഴിവുകളുടേയും പ്രത്യക്ഷ കാഴ്ചയായ പഴയതും പുതിയതുമായ നാടക മേഘലയും പരിചയപെടുത്തണം. 

പൂക്കാലത്തിനു നേത്രുത്തം നൽകുന്ന മാന്യദേഹങ്ങൾക്ക് അഭിനന്ദനക്കളും ആശംസകളും ആദരവോടെ അർപ്പിക്കുകയാണ്. മാസം തോറുമുള്ള ഭാഷാ വിരുന്നിന് കാത്തിരിക്കയാണ്!

മോഹൻദാസ് കൃഷ്ണൻ
മലയാളം മിഷൻ കോർഡിനേറ്റർ , അഹമ്മദാബാദ് കേരള സമാജം
അഹമ്മദാബാദ് , ഗുജറാത്ത്

Rajeevan Virar (Mumbai) November 22, 2017 at 8:18 am

‘Pookalam’ Web Magazine is really very nice and it will help for our children to know and learn more about our culture and Amma Malayalam.

We congratulate to all of Editorial Board especially to Malayalam Mission Director, Mrs. Suja Susan (Chief Editor of Pookalam) and Ms. Vidhu Vincent (Editor of Pookalam).

Rajeevan
Co-ordinator,
Malayalam Mission Virar (Mumbai) Padanakendram.

johnson pallom December 24, 2017 at 3:02 am

എല്ലാ കുട്ടികള്‍ക്കും അദ്ധ്യാപകർക്കും മലയാളം മിഷന്‍ ഗോവയുടെ ക്രിസ്മസ് ആശംസകള്‍

RB Sanup December 24, 2017 at 3:23 am

തീർച്ചയായും ഇത് കുട്ടികൾ നെഞ്ചോട് ചേർക്കും.

Kerala Social & Cultural association.Bahrain February 2, 2018 at 4:45 am

പൂക്കാലം നന്നാവുന്നതിൽ വളരെ സന്തോഷം..! ഒപ്പം ഗാന്ധിജി അനുസ്മരണവും .
മലയാളം മിഷൻ നിർദ്ദേശം അനുസരിച്ച് ബഹറിൻ കേരള സോഷ്യൽ & കൾച്ചറൽ അസോസിയേഷൻ മലയാളം പാഠശാല വിപുലമായ രീതിയിൽ ഗാന്ധിജി അനുസ്മരണം സംഘടിപ്പിച്ചു .

    Vidhu Vincent, Editor February 2, 2018 at 9:08 am

    പൂക്കാലം നന്നാവുന്നു എന്ന് അറിയിച്ചതിൽ സന്തോഷം. ഗാന്ധി അനുസ്മരണം സംഘടിപ്പിച്ചത് നന്നായി. പൂക്കാലം മെച്ചപ്പെടുത്തുന്നതിനായുള്ള നിർദ്ദേശങ്ങളും അറിയിക്കണം. മലയാളം പാഠശാലയിലെ പഠിതാക്കളോടും അധ്യാപകരോടും രചനകൾ അയക്കുന്ന കാര്യവും സൂചിപ്പിക്കുമല്ലോ….

Bindu jayan April 11, 2018 at 6:27 am

പൂക്കളം ഓരോ ലക്കവും മെച്ചപ്പെടുത്താൻ ശ്രദ്ധിക്കുന്നതിൽ ഏറെ സന്തോഷം .
പക്ഷെ നമ്മുടെ കുട്ടികൾ ഇതുപയോഗപ്പെടുത്താൻ ഓരോ മാതാപിതാക്കളും ശ്രദ്ധിക്കണം .
അധ്യാപകർ കഴിവതും കുട്ടികളെ കൊണ്ട് വായിപ്പിക്കണം

രതീഷ് പീറ്റർ July 13, 2018 at 7:21 pm

ഇന്ന് ആദ്യമായിട്ടാണ് ഞാൻ ഈ പേജ് കാണുന്നത്. കുട്ടികൾക്ക് വളരെ പ്രയോജനകരമാണ്. കുട്ടികളോടൊപ്പം മുതിർന്നവർക്കും പുതിയ അറിവുകൾ കിട്ടുന്ന ഇടം കൂടിയാണ് ഇത്.
എല്ലാ വിധ ഭാവുകങ്ങളും നേരുന്നു

Leave a Comment

Recent Comments

FOLLOW US